Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Гусели ботантана ба нафақа

IMG 7769

12 ноябри соли 2021 дар Сарраёсати хадамоти давлатии оташнишонии ВКД Ҷумҳурии Тоҷикистон чорабинии ботантана доир гардид. Дар ин чорабинӣ роҳбарияти СХДО ВКД, кормандони Дастгоҳи марказӣ, роҳбарону кормандони ҷузъу томҳои Сарраёсат ва собиқадорони соҳа иштирок намуданд. Кормандони хадамот як нафар ҳамкасби худ - сардори Қисми махсуси минтақавии Сарраёсат подполковники хизмати дохилӣ Давлатзода Абдуҷамил Раҳматро тантанавор ба нафақа гусел намуданд.
Сараввал сардори СХДО ВКД генерал-майори хизмати дохилӣ Бахтиёр Умарзода ба чорабинӣ ҳусни ифтитоҳ бахшида, иштирокчиёни онро хайрамақдам гуфт. Сипас сардори Сарраёсат аз давраҳои ба хадамот ба кор омадану фаъолияти кории минбаъдаи Абдуҷамил Давлатзода то ба замони ба нафақабароияш ба ҳозирин маълумоти мушаххас дод. Аз ҷумла, ӯ қайд намуд ки сафҳои хадамоти давлатии оташнишониро имрӯз шахсе тарк карда истодааст, ки солҳои зиёд хизмати халқу Ватани азизро содиқона ва беғаразона адо намудааст. Вақте кас дафтари корномаи онро варақгардон мекунад, бешубҳа ба ин инсони комил барои хизматҳои шоён дар Хадамоти давлатии оташнишонии Вазорати корҳои дохилии Ҷумҳурии Тоҷикистон аҳсану офарин мегӯяд. Зеро айни замон дар сафҳои мо шахсияте, ки фаъолияти кории хешро аз оташнишони қаторӣ сар карда то ба рутбаҳои баланду мансабҳои роҳбарикунанда расида бошад, ангуштшуморанд. Дар тамоми вазифаҳои ишғолнамудааш Давлатзода Абдуҷамил Раҳмат манфиати давлатро аз манфиатҳои шахсии худ боло гузошта, самараноку содиқона адои хизмат намудааст.
Аз солҳои аввали фаъолияти кориаш роҳбарони онвақта дар ин шахсият танҳо хислатҳои наҷиби инсониро мушоҳида намуда, матонату мардонагии шахсии ӯро қадршиносӣ кардаанд. Маҳз ҳамин хислатҳои хуб ва лаёқату истеъдоди ӯро ба инобат гирифта пайваста иҷрои вазифаҳои душворро ба зиммааш мегузоштанд ва мо ҳамагон шоҳид ҳастем, ки Абдуҷамил Давлатзода дар тамоми давраи фаъолияташ аз уҳдаи иҷрои ин вазифаҳо бо сарбаландӣ баромадааст.
Дар давраи фаъолияти корӣ ӯ дар ҳамаи вазифаву мансабҳои ишғолнамудааш худро ҳамчун мутахассиси соҳибистеъдоди соҳа нишон дода, сохиби иззату эҳтироми ҳамкасбон гардидааст. Ҳоло бошад боз ду фарзанди вай давомдиҳандагони касби падар шуда, дар Хадамоти давлатии оташнишонии ВКД фаъолияти пурсамар намуда истодаанд - гуфт сардори СХДО ВКД Бахтиёр Умарзода.
Собиқадорони соҳа, ҳамкасбон ва писари Абдуҷамил Давлатзода, капитани хизмати дохилӣ Давлатзода Солеҳ низ, дар баромадҳои худ роҷеъ ба хислатҳои хуби инсондӯстӣ, хизматҳои содиқонаи ӯ ба халқу Ватан ва кордонию ташаббусҳои наҷибаш дар рушду тарақиёти Хадамоти давлатии оташнишонӣ суханронӣ намуданд.
Давлатзода Абдуҷамил дар баромади худ иброз дошт, ки давоми 25 соли тақвимӣ дар хадамот кору фаъолият намудааст ва аз он ифтихор дорад, ки маҳз дар мақомоти корҳои дохилӣ содиқона адои хизмат намудаасту имрӯз ҳамкасбон меҳнатҳояшро қадр намуда, дар чунин шароити тантанавӣ ӯро ба нафақа гусел карда истодаанд.
Дар интиҳои чорабинӣ аз тарафи роҳбарияти Сарраёсат ба Давлатзода Абдуҷамил Раҳмат тӯҳфаҳои қиматноки хотиравӣ супорида шуданд. Инчунин ба соҳибҷашн пеш аз ҳама умри дароз, хушии рӯзгор ва ободии хонадонашро таманно намуда, изҳор доштанд, ки дар оянда низ Абдуҷамил Давлатзода бо маслиҳатҳои муфиди хеш дар роҳи баланд бардоштани мавқеи хадамоти оташнишонӣ ба кормандони ҷавони соҳа ёвару мададгор бошанд.

Кароматулло Абдуллоев
СХДО ВКД ҶТ




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun24

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика