Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мисли сипар истодаем…

730

Мо посдори номи нек, пояндадори кишварем,
Бо нангу ору бо шараф, андар канори Сарварем.
Дар хизмати халқу Ватан бо ҳастиву пайванди худ.
Омода дар ҳар лаҳзае, мисли сипар, фармонбарем,
Содиқ бар Савганди худ, содиқ бар Савганди худ.

Мо посдори номи нек, пуртоқатем, пурқудратем,
Размандагони ин диёр, бахшандаи амниятем.
Сарбози бо нангем мо, шерони халқу давлатем.
Соҳибватан, соҳибзабон, бо ҳимматем, бо ҳимматем.
Мисли сипар истодаем, содиқ бар Савганди худ.

Мо посдори номи нек, насли ватанро ҳифзгар,
Дорем азми устувор, дар партави сулҳи башар.
Номусу нанги миллатем, боҷуръатем, боғайратем,
Ҳам ифтихори модарем, ҳам аз Ватан, ҳам аз падар.
Бо ҳисси садҳо ифтихор, содиқ бар Савганди худ,

Мо посдори номи нек, дар мо ғурури миллат аст,
Дар сина қалби пуршарар, бозуву зури миллат аст.
Ҷони ба каф истодаем, бо дарки номуси баланд,
Қиммат салоҳи кишвар аст, моем фонуси баланд.
Мо бо шарофат зиндаем, содиқ бар Савганди худ,

Мо посдори номи нек, сад дардро дармон кунем,
Дар кору дар пайкори худ, хизмат зи қалбу ҷон кунем.
Беҳтар зи сад ганҷи ҷаҳон, ҳаст тандурустии шумо,
Бо меҳру сидқу бо вафо кумак ба ҳар инсон кунем.
Сад мушкиле осон кунем, содиқ бар Савганди худ,

731

Мо посдори номи нек, масъули сулҳему субот,
Осодагии халқ ҳаст бар мо салоҳ бар мо мурод.
Андар фазои меҳанем, хидматгузори мардумем,
Поянда сулҳу дӯстӣ, поянда марзу бум бод.
Пайванд чун ҷону танем, содиқ бар Савганди худ,

Мо посдори номи нек, насли ватанро ҳифзгар,
Дорем азми устувор, дар партави сулҳи башар.
Номусу нанги миллатем, бо ҳисси садҳо ифтихор,
Рахшанда рӯи синаҳо истораҳои пуршарар.
Истораҳои меҳанем, содиқ бар Савганди худ.

Мо посдори номи нек, ҳифзи Ватан қарзи ман аст,
Амнияти халқи азиз, пайванд бар ҷону тан аст.
Дар хизмату мардонагӣ, партавфишонӣ мекунем,
Бар мо муқаддас миллат аст, бар мо муқаддас меҳан аст.
Нанги Ватанро ҳифзгар, содиқ бар Савганди худ.

Мо посдори номи нек, истода дар ҳифзи Ватан,
Бо ҷону дил дар хизматем, шерона дар ҳифзи Ватан.
Чун Рустами дастон мо, шоистаи даври худем,
Пайванди таърихи куҳан, мардона дар ҳифзи Ватан.
Партавфишонӣ мекунем, содиқ бар Савганди худ.

Мо посдори номи нек, бо сад шараф, оташтанем,
Бо нангу ору ҳам шараф, омода баҳри меҳанем.
Осудагии кишвар аст, осудагии рӯҳи мо,
Бар ҷони халқу ин диёр рахшанда мисли ҷавшанем,
Содиқ бар Савганди худ, содиқ бар Савганди худ.

732733

Офоқ Қодириён, подполковники милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика