Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҳамдилӣ дар зиндагӣ (Бахшида ба Рӯзи оила – 15 май)

653Рӯзи 7-уми май дар шаҳри Душанбе даври шаҳрии Озмуни ҷумҳуриявии «Оилаи намунавӣ» баргузор гардид. Дар ин озмун оилаи корманди Ротаи муҳофизати бино ва иншооти махсуси Раёсати воҳидҳои таъиноти махсуси ВКД прапоршики калони милитсия Ҳасан Худоиев ва ҳамсараш Фотима Бошиева аз ноҳияи Фирдавсии пойтахт сазовори ҷойи сеюм гардиданд.654

Лозим ба ёдоварист, ки озмуни мазкур бо ташаббуси Мақомоти иҷроияи ҳокимияти давлатии шаҳри Душанбе бо мақсади тақвият бахшидани мақом ва нақши оила дар ҷомеа, баланд бардоштани масъулияти оила дар таҳкими фарҳанги оиладорӣ, боло бурдани маърифати ҳуқуқии шаҳрвандон ва рӯзгордории оилаҳо, коҳиш додани шумораи бекоршавии ақди никоҳ, баланд бардоштани масъулияти падару модар дар таълиму тарбияи фарзанд ва омода намудани ҷавонон ба ҳаёти мустақилона доир гардид.
Баргузор намудани ин гуна озмунҳо, пеш аз ҳама дар арафаи Рӯзи оила – 15-уми май барои дарёфти оилаҳои беҳтарин дар кишвар ва пойдории ақди никоҳ ва солимии ҷомеа ба ҳисоб меравад, зеро дар оилаи солим фарзанде ба воя мерасад, ки дар оилаи намунавӣ тарбия ёфтааст. Маҳз ҳамин гуна оилаҳои намунавӣ метавонанд ҷомеаи солимро дар кишвар тарбия намоянд.
Ба андешаи қаҳрамонони мо, маърифати оиладорӣ ва баланд намудани сатҳи зиндагии шоиста имрӯз аз ҷониби оилаҳои солим ба роҳ монда мешавад. Оила ин макони муқаддасе мебошад, ки дар он фарзандони батолеъ ба воя мерасанд. Якдигарфаҳмӣ дар оила, пеш аз ҳама ба мустаҳкам намудани муҳаббат ва устуворӣ вобаста мебошад.
Ин ду ҷуфти муносиб моҳи декабри соли 2009 оила барпо намуда, соҳиби ду фарзанди дугоник мебошанд. Фарзандони онҳо Сурайш ва Сумайя 28 сентябри соли 2010 дар ноҳияи Фирдавсии шаҳри Душанбе таваллуд шудаанд.
Тарбияи дурусти волидайни намунавӣ боис гардид, ки фарзандонашон дар мактаб бо дониши хубу аъло таҳсил намуда, дар олимпиадаҳои ноҳиявӣ иштирок намуда, бо диплому ифтихорномаҳо сазовор гарданд.
Ҳарду корманди низомӣ буда, имконияти онро пайдо намудаанд, ки аз худ дар баробари дигар оилаҳои намунавӣ бо тарбияи дурусти фарзандон ва солимии оилаи хеш намуна бошанд. Маҳз фаъолияти пурсамар ва доштани рафтори намунавӣ боиси ин муваффақият гардид.
Ҳамин гуна рафтор ва кирдорҳои шоистаи онҳо буд, ки дар даври ноҳиявӣ ба гирифтани ҷойи аввал ва дар даври шаҳрии Озмуни ҷумҳуриявии «Оилаи намунавӣ» сазовори ҷойи сеюм гардиданд.
Ба ғолибон ва дигар иштирокчиёни озмун диплом ва сипосномаи Мақомоти иҷроияи ҳокимияти давлатии шаҳри Душанбе ва туҳфаҳои хотиравӣ тақдим гардид.
Тоҷиддин Латипов




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика