Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Зуҳуроти номатлуби ҷомеа

Терроризм ва экстремизм чунин шаклҳои гурӯҳии ҷинояткор мебошанд, ки ба марги беасоси сокинони осоишта, таллаю тороҷи молу мулк ва тарсонидани онҳо сабаб мешаванд. Собит шудааст, ки мақсади шахсоне, ки ба чунин гурӯҳҳо шомил шудаанд, чӣ дар сатҳи ягон маҳалли муайян ва чӣ дар сатҳи байналхалқӣ ин таҳдид намудан ба бехатарии халқи оддӣ ва харобкорӣ мебошад. Инчунин мақсади чунин гурӯҳҳои бо истифода аз хурофоту таҳдидҳои динӣ тарсонидану ба роҳи каҷ равон намудани мардум, хусусан ҷавонон мебошад. Зеро маҳз ҷавонон, ки ҳоло фикри мустақилона надоранд, метавонанд ба чунин равияҳои беасос тез банд шаванд.
Терроризму экстремизм дар шаклҳои дилхоҳи зоҳиршавии худ ба яке аз муаммоҳои хатарноктарин ва пешгӯинашавандаи ҷаҳони муосир табдил ёфтаанд. Ин шаклҳо ҳарчи бештар ба бехатарии мамлакатҳои зиёди ҷаҳонӣ ва аҳолиашон таҳдид карда истодаанд, ҳамчунин онҳо зарарҳои молиявӣ, сиёсӣ ва ахлоқӣ оварда, ба мардум фишори рӯҳӣ медиҳанд ва ҷони мардуми бегуноҳро ба яғмо мебаранд. Ба андешаи муҳаққиқон манбаи асосии маблағгузории ташкилотҳои террористиву экстремистӣ ин ба даст гирифтани тиҷорати маводи мухаддир, хариду фурӯши яроқ, қиморбозӣ, қочоқ ва ғайраҳо мебошад.
Ҷавонони имрӯзаи тоҷик аз ин хатарҳо огоҳ ҳастанд ва ҳаргиз намегузоранд, ки ҳар нохалафе пои нопоку палиди худро ба ин сарзамини биҳиштосо ниҳад. Аз ин ҷиҳат онҳо ба суханони пучу бемаънии хоинони миллат, ки дар хориҷи кишвар ҳастанд, аҳамият намедиҳанд ва бовар ҳам надоранд. Мо ҷавононро зарур аст, ки ба қадри ин сулҳу субот ва амнияту осудагӣ бирасем ва заҳматҳои фарзандони фарзонаи тоҷик, аз ҷумла Пешвои муаззам ва маҳбуби худ ва дигар шахсиятҳои бо ору номуси Ватан бирасем.
Воқеан, имрӯз ҷавонони мо ҳамчун нерӯи бузурги бунёдгару созандаи мамлакат эътироф шудаанд. Аз ин рӯ, Ҳукумати кишвар ҳалли мушкилоту масъалаҳои ҳаёти наврасону ҷавононро самти стратегӣ ва афзалиятноки сиёсати иҷтимоии давлат эълон намудааст. Зеро имрӯз Тоҷикистон аз назари демографӣ дар ҳоли рушди доимӣ қарор дорад ва аз нисф зиёди аҳолӣ, яъне қувваи асосии пешбарандаи онро ҷавонон ташкил медиҳанд. Ва табиист, ки бе иштироки фаъолонаи чунин нерӯи бузург рушди иқтисодиву иҷтимоӣ ва сиёсиву фарҳангии давлатамонро тасаввур кардан ғайриимкон мебошад.
Хулоса, бо сарварии Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон мо ба дилхоҳ ормонҳои худ расида истодаем. Аз ин рӯ, ҳар фарди худогоҳ бояд аз бегонапарастиву ҷаҳолат канораҷӯй бошад.

Ширинов Х.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun1

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика