Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ташрифи иштирокчиёни конференсияи илмӣ-амалӣ ба Осорхонаи ВКД

257

Рӯзи 24-уми майи соли 2019 иштирокчиёни конференсияи илмӣ-амалӣ, ки дар Академияи ВКД дар мавзӯи «Ҳамкории милитсия бо ҷомеа» баргузор гардид, аз Осорхонаи ВКД, ки инъикоскунандаи таърихи милитсияи тоҷик ба ҳисоб меравад, дидан намуданд.
Ҳайати меҳмонон аз намояндагони Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия, Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ дар назди ВКД, РВКД ва ШВКД-ҳо, нозирони минтақавӣ ва сардорони шуъбачаҳои ҳифзи тартиботи ҷамъиятӣ аз тамоми шаҳру навоҳӣ ва вилоятҳои ҷумҳурӣ, инчунин ташкилоти «Дунёи бехатар» (Сейферворлд), Сафорати Амрико дар Тоҷикистон, Дафтари барномаҳои САҲА иборат буданд.

256258259

Ҳайати меҳмононро корманди Раёсати кадрҳо ва кор бо ҳайати шахсии ВКД майори милитсия Алиҷон Акобирзода аз ёдгориҳои таърихие, ки фаъолияти милитсияи тоҷикро инъикос мекунанд, ошно намуд. Номбурда иброз дошт, ки Осорхонаи ВКД таҷассумгари фаъолияти милитсияи тоҷикро дар давраҳои гуногуни таърихӣ, аз замони Шӯравӣ то замони соҳибистиқлолӣ дар бар мегирад.
Меҳмонон аз гӯшаҳои таърихӣ ва навгониҳои ин махзани бою мондагор ошно гардида, аз тамошои Осорхона ба худ таассуроти неку хотирмон бардоштанд.

Т. ЛАТИПОВ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика