Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Конференсияи илмӣ-амалӣ барои кормандони оперативӣ

312

Ҳафтаи сипаришуда бо ташаббуси Раёсати Вазорати корҳои дохилии вилояти Хатлон конференсияи илмӣ-амалӣ барои кормандони оперативии Раёсат ва ҷузъу томҳои он бо иштироки роҳбарону кормандони оперативии Раёсати Вазорати корҳои дохилӣ дар вилояти Хатлон, намояндагони мақомоти ҳифзи ҳуқуқ ва мутахассисони соҳаи ҳуқуқ доир гардид.

Конференсияро муовини аввали сардори Раёсат генерал-майори милитсия Искандарзода Абдулваҳоб бо сухани ифтитоҳӣ оғоз бахшида, қайд намуд, ки мақсад аз гузаронидани конференсия равшанӣ андохтан ба баъзе масъалаҳои фаъолияти оперативӣ-ҷустуҷӯӣ иборат мебошанд. Аз ҷумла, дар замони муосир масъалаи амалисозии фаъолияти оперативӣ-ҷустуҷӯӣ дар макон, ки дар шароити густариш пайдо кардани зуҳуроти ниҳоят хатарноки терроризму экстремизм аҳамияти муҳим пайдо кардааст.

313

Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон дар яке аз мулоқоти худ бо кормандони ҳифзи ҳуқуқ бахусус, сохаи Прокуратура ва дигар сохторҳои қудратии мамлакат таъкид намуда буданд: «Дар шароити тағйир ёфтани вазъи геополитикии ҷаҳон ва афзоиши таҳдиду хатарҳои нав, ки ба рушди давлатдории миллӣ ва манфиатҳои милливу давлатии мо низ монеаҳои ҷиддӣ эҷод мекунанд, аз кормандони мақомоти ҳифзи ҳуқуқ ва сохторҳои низомии кишвар масъулияти дучандро тақозо менамояд.
Нозири калон - таҳлилгари Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Хатлон Раҳмонов Умед дар мавзӯи «Воситаи нашъадор, прекурсорҳо ва воситаи нашъадори синтетикӣ» ва «Вазъи нашъамандӣ ва кишти кукнор дар Ҷумҳурии Исломии Афғонистон дар соли 2017» бо намоиши видеороликҳо баромад намуда, иброз дошт, ки истеъмоли маводи мухаддир пеш аз ҳама ба бузургтарин сармояи миллату ҷомеа, яъне ақлу зеҳни инсонҳо таҳдид мекунад. Ин аст, ки имрӯз масъалаи мубориза бо гардиши маводи мухаддир дар ҳақиқат мубориза барои наҷоти фарҳангу ҳуввият ва умуман асолати миллӣ ва ояндаи ҳар миллат мебошад.
Сардори кафедраи фанхои давлатӣ ва ҳукуқи Академияи Вазорати корҳои дохилаи Ҷумҳурии тоҷикистон подполковники милитсия Сафаров Ҳаётҷон дар мавзӯи «Самтҳои асосии пешгирии шомилшавии ҷавонон ба ташкилотҳои экстримистӣ» баромад намуда, роҷеъ ба масъалаҳои пешгирии шомилшавии ҷавонон ба ҳизбу ҳаракатҳои иртиҷоӣ, терроризму экстремизм, иштироки ҷавонон дар ҷангҳои кишварҳои хориҷӣ, амалишавии қонунҳо ва дигар масъалаҳо ибрози назар кард. Зикр гардид, ки муҳимтарин самтҳои пешгирии ифротгароии ҷавонон дар айни замон ин тарбияи маънавию ҷисмонии ҷавонон, инкишофи ҳисси ватанпарастӣ баҳри ҳифзи амният, аз таблиғоти ифротгароён эмин нигоҳ доштани ин қишри ҷомеа мебошад.

314

Инчунин чанд нафар аз иштирокдорони чамъомад дар мавзӯҳои «Чорабинии оперативӣ-ҷустуҷӯӣ дар намуди таҳвили назоратшавандаи байналмилалӣ», «Омӯзиши нашри №3 маҷаллаи илмӣ ва иттилоотию таҳлилии «Наркофронт-2017» ба музокира баромаданд.
Офоқ Қодириён




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика