Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вобаста ба татбиқи Даҳсолаи байналмилалии амал “Об барои рушди устувор”, 2018-2028

31Дар робита ба татбиқи Даҳсолаи байналмилалии амал “Об барои рушди устувор, 2018-2028” баргузории ду чорабинии муҳими сиёсӣ дар соли 2018 ба нақша гирифта шудааст.

22-марти соли 2018 дар ш. Ню Йорк барои ҷалби ҷомеаи ҷаҳонӣ дар татбиқи Даҳсола чорабинӣ бахшида Оғози расмии Даҳсолаи байналмилалии амал “Об барои рушди устувор, 2018-2028” пешбинӣ шудааст. Бояд қайд кард, ки яке аз мизҳои мудаввари чорабинӣ таҳти раёсати Ҷумҳурии Тоҷикистон гузаронида мешавад.

Инчунин, баргузории Конференсияи байналмилалии сатҳи баланд “Даҳсолаи байналмилалии амал: “Об барои рушди устувор, 2018-2028” бошад, рӯзҳои 20-22 июни соли 2018 дар ш.Душанбе ба нақша гирифта шудааст.

Конференсияи мазкурро Ҳукумати Ҷумҳурии Тоҷикистон дар ҳамкорӣ бо Созмони Милали баргузор менамояд.

Ҳадафҳои асосии Конфронс баланд бардоштани огоҳии саривақтӣ ва самарабахши татбиқи Ҳадафҳои шашуми рушди устувор ва дигар ҳадафҳои вобаста ба об мебошад. Инчунин, муҳокимаи қадамҳои минбаъдаи татбиқи Нақшаи амалии Даҳсолаи байналмилалии амал 2018-2028 дар сатҳи ҷаҳонӣ, минтақавӣ ва кишварӣ яке аз вазифаҳои асосии Конфронс ба шумор меравад.

Конфронс ҳамчунин барои идома ва тақвият бахшидани доираи муҳокимаҳои чорабинии сатҳи баланд оид ба оғози Даҳсолаи байналмилалии амал “Об барои рушди устувор”, 2018-2028, ки аз ҷониби Президенти 72-ум Иҷлоси МУ СММ (22.03.2018, ш. Ню Йорк) баргузор мегардад, равона шудааст.

Ҷиҳати иштирок дар Конференсияи болозикр сарони давлату ҳукуматҳои кишварҳои аъзои СММ, ниҳодҳои СММ, роҳбарони созмонҳои байналмилаливу минтақавӣ, институтҳои байналмилалии молиявӣ, доираҳои тиҷоратӣ, ташкилотҳои ғайридавлатӣ, ҷомеаи шаҳрвандӣ, муассисаҳои илмӣ ва дигар ҷонибҳои манфиатдор даъват шудаанд.

Барномаи Конференсия Даҳсолаи об ҷаласаҳои пленарӣ, силсилаи ҷаласаҳои мавзӯӣ ва интереактивӣ, инчунин намоишгоҳ ва чорабиниҳои канориро дарбар мегирад.




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

qonun1006

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика